Haul مشترياتي من صيدلية وايتس WHITS
13:07
مساء الخير
في هالبوست راح أتكلم عن مشترياتي من وايتس هالصيدليةغنيه عن التعريف وكثير قالو صيدلية البنات 😊
لانو كل منتجاتهم جميلة وراضين جميع الأذواق وكمان بوتس مرره احبهم وأحب اخذ لي لفه فيها بين فتره والثانية
ما أمل منهم أبد 💜
طبعا في منتجات كثيره اشتهرت عندهم والاغلبيه استخدمها وأعجبته وانا واحدة منهم بصراحة صرت ادخل استكشف منتج جديد
او شركة جديدة انا ماجربتها بعد
في خبر مرره حلو وعجبني كثير منتجات شركة
sleek صارت موجودة عندهم
وفرو علينا الوقت والجهد للطلب من الخارج او التاجرات ومن الممكن تكون موثوقة وممكن لا وهالشيء اتعب شيء
وان شاء الله في المستقبل نشوف شركات اكثر وهالشيء مرره جميل
مشترياتي :
Avalon pharma " hand cream "
كريم جميل لليدين الجافة وينفع كثير في هالشتوية مرره حبيته ترطيبه عالي جدا
كمية قليلة ترطب اليد وينفع كثير لربات المنزل الي يشتغلو علي المنظفات كثير وتنشف ايديهم مرره جميل وكمان لذوات البشرة الجافة
اول مره أجربة وعجبني كثير خاصة انو كميته قليله لكن القليل منه يرطب متوسط السماكه رائحته خفيفة وجميلة
الي عرفته انها شركة سعودية وعلي حسب المكتوب علي المنتج وكمان موقع الشركة وهالشيء جميل جدا
سعرالمنتج : 34 ريال
Blodycology" body cream "
منتج رائع بمعنا الكلمة ترطيب جميل للجسم استخدمته بعد الشاور مرره حبيت ترطيبه
والأجمل انو رائحته خفيفة جداً جداً وكمان سميك يجف بسرعه علي الجسم
حبيته لانو غير معطر كمان ترطيبه بالعاده مرطبات الجسم تكون معطرة وفواحه ومعاها الشاور جل يثبت الرائحة علي الجسم لكن
هالكريم حبيته كثير استخدمه مع اي شاور جل ومع اي عطر بعد الشاور ماياثر ابدا
المنتج أمريكي سعره :29ريال
NUXE " Face cleansing & make-up removing :
رائيي في المنتج:
اعطيه 10/10 مرره رائع من ناحية التنظيف لكن الازاله اعطيه 6/10 متعب في ازالة الميك اب
الشيء الي حلو فيه انو في تركيبه العسل
والمعروف عن العسل فوائده في تغذيه البشرة وترطيبها
المنتج الثاني من Nuxe
Dry oil face,body,hair :
من المنتجات الي بنسبه لي من المست هاف سبق وكتبت عنه رفيو في الانستا
سعر المنتج : 110 ريال
النكهة الي اخذتها المنت والفندر كيف هالنبتتين تجتمع وتكون عطر في البداية بصراح ترددت اخذه استغربت الاختلاط في الروائح وكيف را يكون بصراحة ما استوعبته لكن قلت اجرب هالشيء الغريب اخذته ولما وصلت البيت بسرعه
شميته وبصراحه شيء عجيب رائحته خيال مرره حبيتها منعشه وفواحه وقويه
رائيي فيه :
اعطيه 10/10 ترطيب عالي جداً لبشرة الجسم خففته بالماء واستخدمته بعد الشاور اخذ كمية جداً قليلة منه
لان رائحته مره سترونق وفواحه مررره جميل لشتاء
سعر المنتج : 56ريال
في كمان برودكتس من نفس البراند مرره جميله قريبا راح اخذ منها واسوي رفيو عنها
Batiste " dry shampoo" :
الي كثير من البلوقرز اتكلمو عنه دراي شامبو يستخدم بين الشاورز ولما تكوني مستعجلة وما معاك وقت تاخذين شاور
راح ينفعك كثير لانو راح يعطي حيويه ونظافة لشعرك
سعر المنتج:32 ريال
QV" cream " لبشرة الوجة والجسم
منتج كمان الكثير تكلمو عنه الجميل فيه انو مو معطر ابدا وترطيبه عالي ينفع للبشره الجافة جداً والحساسة في الشتاء
والمناطق الجافة في الجسم يستخدم في كل وقت كمان مرره رائع قبل الميك اب يرطب البشره ويخفي المناطق الجافه او المتقشره
استخدمة باليل والنهار وكمان بعد التقشير
سعر المنتج : 57 ريال
مسكرتي الجميله من MAX FACTOR
هالمسكرة ما قدر استغني عنها ابدا سبق وتكلمت عنها بتدوينه كامله اطلعو عليها اذا حابين
وباخر البوست اتمني لكم يوم سعيد وان شاء الله يارب عجبكم
💜
0 التعليقات