Review essence ultra strong nail hardener/رفيو:مقوي الأظافر من essence
12:26
مساء الخير والسعادة والرضا
كيفكم ياحلوات ؟ بوست هالاسبوع رفيو عن مقوي الأظافر من
essence
وتجربتي معاه وكمان راح أزيد عليه قلم مقوي ومغذي الأظافر بالالموند أويل من
The body shop
لآني استخدمه من زمان وحبيت أتكلم عنه شوي وأقرانه ب المنتج الجميل من
Essence
راح أتكلم عن أظافري شوي وعن طبيعتها قبل لا ابدا بالمقارنة ، انا أظافري من النوع الي لما يطول يتكسر علي طول سوا يتكسر علي جنب او من النص ، مما خلاني أقلل من تطويل أظافري اوكتفي بطول المتوسط " انا بشكل عام ما احب الأظافر الي تصير طويلة مره
وفي نفس الوقت تكون مقززه " لكن تحتاجين في بعض المناسبات تكون أظافرك طويله
بحيث لو حطيتي المناكير تطلع نظرة ليدك مو علي طول طويله
ونتيجة لضعف طبقت الظفر عندي صرت أدور منتجات تقوية لي وراح استمر أدور منتجات تقويه لي
اول منتج تعرفت عليه قلم الالموند أويل من
the body shop
"زيت الوز"
حبيته مرره لانه أويل وكنت أشوف التطورات لكن ببطي علي أظافري
واستخدامي له بس باليل قبل النوم لان اول ما تحطية مايبغالك تشتغلي او تسوي اي شي تجلسي تنتظرية الا ما يجف يتشربه الظفر فا ماكنت استخدمة كثير الصباح
وفي نفس الوقت حبيت أدور علي منتج جديد ويعطيني نتائج سريعة لفت نظري مقوي الأظافر من
essence
وحبيت اجربه وخصوصا لما قريت طريقة الاستعمال علي العلبة راح اكتبها لكم
" مقوي الأظافر الترا سترونغ، طلاء أظافر يقوي ويبني الأظافر الطرية والضعيفة،يحتوي علي الفورمالديهايد، يزود البشرة القاسية حول الأظافر بالدهن والزيت .أستخدمية كعلاج لمدة ٣ أسابيع
علي أقصي حد . بعد يومين من الاستخدام، توقفي لمدة يوم "
اكثر حاجة جذبتني في الطريقة الاستعمال انو فقط لمدة ٣ أسابيع
فقلت أكيد راح يعطيني النتيجة بسرعه
أخذته وكان سعره أتوقع ب ١١.٠٠ريال
من صيدلية وايتس
الكمية جوات العلبه قليله شوي يعني تكفي ٣ أسابيع اول أسبوع كان مرره سائل ومع الوقت بدا يجف ويقل
رائحته : عاديه جداً نفس رئحة المناكير وممكن اقل مو قويه
جفافه:بسرعة يجف ولا تشيل هم ممكن ينحاس معاك
طريقتي في وضعه :" احطه علي الظفر وعلي الجلد الحولين الظفر "
اول ما احطه حسيت ببعض النغزات والقرصات البسيطة علي الجلد واشوفها شي حلو لانه يبدأ يعالج.
عيبه: لما تغسلي بالمويه كثير يبدأ يتكسر مادري
ممكن لاني احطه علي الجلد
النتيجة الي شفتها :
" نتيجة رائعه قوا لي الجلد الي حولين الظفر ولاحضت انو فيه جلد جديد طلع حولينه وكمان صار علي الظفر لمعه بسيطه وطبيعيه "
تقييمي له٧/١٠
ليه عطيته ها التقييم. لآني عديت فترت ال ٣ أسابيع وانا الحين في بداية الأسبوع الرابع يعني مابعد شفت النتائج كيف بعد كم أسبوع او شهر وهل تستمر النتائج او فقط موئقته وبعد شهر راح أشوف كيف نتيجته وراح اعرض النتيجة النهائيه له
علي الانستقرام
المقارنة بينه وبين قلم الالموند أويل
حبيتهم الاثنين الالموند مستمره عليه ولا يعني أني اشتريت منتج ثاني راح اخليه الي مايخلص وأشوف النتيجة
مقوي الأظافر من essence
للي الجلد حول أظافرها جداً قليل او مافي حيويه ممكن راح تستفيد منه اكثر لانه راح يغذيه لها ويبني لها الجلد
اتمني أني أفدتكم بمنتج جميل
ان شاء الله أنكم حبيتوه والي تستفيد لا تحرم غيرها
اذا أعجبكم انشرو البوست علي صديقاتكم واحبابكم اكسبو اجر الفائدة
All the best 💕
2 التعليقات
انا اعاني من مشكلة انه اظافري تنحني يوم تطول تنصحيني اي منتج استخدم ؟؟
ReplyDeleteياقلبي ممكن يكون عندك نقص في بعض الفيتامينات ، ماني خبيرة لكن في منتج من Essie
Deleteتحصلية في صيدليه وايتس
وكمان في منتج كثير عليه مدح من البلوقرز ومفكره اجربة
مقوي الأظافر اسمه مافالا تحصلية عند قزاز وسعره اتوقع 40 ريال
كل المنتجين ما استخدمتها لكن هاذي المنتجات ألي قريت عنها كثير
وراح اجربها بإذن الله واعمل لها رفيو قريبا