Curl secret VS SASSOON Review
12:20
صباح الرضا
كيفكم ياجميلات وكيف الإجازة معاكم ؟!
كمان الجو مررره جميل بالرياض يساعد علي الطلعات كثير
حبيت اعمل مراجعة بسيطة لجهاز من شفته وانا حابه فكرته كثييرر الي هو جهاز يعمل الكيرلي وبسرعة وبدون ماياخذ وقت معاي
في البداية كنت مخططه علي جهاز جوسي أبير جذبتني ألوانه وفكرته وفي نفس الوقت كنت حابه اجدد بحاجة جديدة
وماني حابه شيء يأخذ وقت معاي خاصه باني وقت الطلعه انحاس مع الصغار وفي تجهيزهم
ويروح وقتي بسرعة وكمان لو حابه اطلع لجمعة او لما تجيني عزيمة فجائه
وكثير جربت اجهزة الفير والاستريت وكمان لفافات الشعر والرغوة وووووو الخ وكلها تأخذ من وقتي وبالنهاية ياتضبط
معاي او لا .......
الي ما عرفت هالجهاز السحري الجميل قليله بحقه دورته كثير وحصلته بأسعار متفاوته وكمان بصناعة تختلف
في الامريكي وفي الصيني فا كنت مستعده ادفع لكن علي صناعة تستحق
وأخيرا حصلته
عند الشركة الاستراليه VS
هالشركة اخذت منها قبل اربع سنوات الستريتس والي آلان شغال معاي الحمدلله حبيتها كثير
وصيت عليه والحمدلله وصلي استخدمته علي طول وجربته
كثير شفت ضجه عليه من قبل البلوقرز او اليوتوبرز الأجانب ومدحهم كان يستحقه وكمان يستاهل اكثر
القطع المرفقه مع الجهاز :
" شنطة لحفظ الجهاز ، قاعده من القماش يوضع عليها الجهاز وقت الاستخدام ، قطعه لتنضيف رأسه من الداخل ، بروشور شرح طريقة الاستخدام "
فيه ثلاث انواع من الحرارة 8,10,12
وكمان نوعين من التشغيل للشعر الناعم ولشعر الخشن أو الصعب التسريح
يناسب الشعر القصير والمتوسط والطويل وهاذي اهم ميزة فيه وعجبتني كثييير
طبعا انا استخدمة 8 لان حسيته مرررره حار علي الشعر
كم خذا وقت :
تقريبا ربع ساعة
هل يأخذ وقت علي ما يحتمي ؟!
لا ما أخذ معاي وقت شبكته وعلي طول استخدمته.
نقاط مهمه :
-اهم حاجة يكون الشعر مستشور اومتمشط كويس لانو ماراح يمسك بالجهاز بنسبه لي مهم يكون الشعر مستشور ومترتب عشان كمان الكيرلي يكون مترتب
-كمية الشعر او الخصله الي تنحط جوات الجهاز وراح يمسكها ويضبط لفت الكيرلي" متوسطه الي قليله "
- متي اعرف انو خلاص التفت الخصله اول ما يمسكها راح يعطيك نغمه وحده بعدها بفتره راح يعطيك نغمتين ورا بعض معناته التفت الخصله وصار وقت تفكينها.
تقييمي له :
10/10
رائع بمعني الكلمة وفر علي الوقت ، الجهد يصلح كثير لبنات الجامعة او الموظفات راح ينبسطون كثير عليه وكمان الأمهات
انصحهم كثير فيه.
هنا فيديو شرح لطريقة الاستخدام
http://youtu.be/CXMkfQfPYWU
http://youtu.be/TBXEPhBDzIk
اتمني لكم يوم سعيد 💜
0 التعليقات