Estée Lauder Double wear
16:34السلام عليكم ورحمة الله وبركاته
Estée Lauder Double wear
من كريمات الأساس الي كثر عليها الطلب و السبب شهرته بتغطيته العاليه والثبات لأطول وقت و المدح بشكل لا يوصف له
طبعاً غنيه عن التعريف شركة إستي لودر ومنتجاتها التجميليه من أفضل المنتجات
رائيي فيه بعد أستخدامي له ؛
اول أستخدام لي للفونديشن كان شبه فاشل والسبب ان وقت تجربتي كنت موقفه عنايتي ببشرتي في نفس الاسبوع
ونتج عنه بعد الأستخدام تقشر وجفاف في بعض المناطق حبوب خفيفه مسامات واضحه
التجربة الثانيه فيها تفاديت الغلط الي صار وكنت معتنيه ببشرتي قبله بيوم والنتيجة كانت أفضل بكثير من التجربة الاولى
كان الترطيب عالي لبشرتي اختفاء معاه التشققات والجفاف بعد الحبوب والمسامات .
المنتج :
المنتج طبقه وحده فقط تعتبر ٣ طبقات من الفونديشن العادي ؛ في البدائه يكون رطب بعد ما تمر ساعه يبدا يجف وتشد معاه البشره وكانه ماسك حسيت بشرتي انكتمت منه الثبات طول معاي لمده ٥ ساعات ما قل ثباته ولا اختفاء أبداً
رائحه مافي اي رائحه مزعجه مرره خفيفه
العبوه ؛ ما حبيتها لان بوقت الاستخدام احتاج كميه منه قليله واحيانا ينسكب معاي كميه اكثر من الي مطلوبه
فهالشيء مره يضايق وخاصه ان الكميه الي احطها قليله لانه مررره سميك
ميزاته ؛ الثبات ، التغطيه ما احتجت لكونسيلر ابدا معاه ، أعطى نضاره لبشرتي
العيوب ؛ العبوه ، ثقله علي البشره ، ومن أكبر عيوبه والي اشوف انها من الأسباب الي راح تضر البشره وتأثر عليها
وقت ازالته متعب جدا جدا في الازاله استخدمة مزيل الميك اب Bioderma و Nuxe وآخر خطوه ألي صدمني نظفت بشرتي Clarisonic وانقلبت الفرشة من الأبيض الى لون الفونديشن 🙈 حتى بعد ما استخدمت مزيل الميك اب والمعروف عن Clarisonic التنظيف العميق للبشره لكن للاسف مع إستي لودر دبل وير نظفت بشرتي بالبايوديرما مرره ثانيه بعد تنظيفي بالآله
فرشه Clarisonic حتى بعد تنظيفي لها الون موجود وموراضي يروح منها فا بعد هالتجربه قاعده اشوف نسبه ضرره العالي للبشره والأفضل أستخدامه في مناسبات كبيره مايصلح أبداً للاستخدام اليومي
يحتاج بشره نظيفة ومترطبه قبل استخدامه
تقييمي له :
9/10
بكذا انتهى البوست اشوفكم في البوست الجاي
0 التعليقات