ريفيو منتجات من سيفورا حبيتها
14:29السلام عليكم ورحمه الله وبركاته
في هالبوست راح أتكلم عن منتجات اخذتها من سيفورا وحبيتها لعدت أسباب
السعر منخفض والألوان تحاكي الموضة وكمان الكوليتي يعتبر جميل وله قيمته
تكلمت في الانستقرام عن نزول براند جورجيو أرماني عندنا في السعودية وتحديدا في فرع سيفورا النخيل مول
البراند غنيه عن التعريف اجمل شي فيها الأرواج درجات الالوان مرره حبيتها وسعرها معقول
بين اليب ستيك القلوس للمات
انا اخذت منتجين منهم الي هو اليب قلوس بدرجة لون الاحمر
503
سبق وعرضته علي السناب شات
طبعا هو من درجات الالوان الجديده حبيت قوه الون ريشه القلوس مرره ماحبيتها حاستني كثير لما احطه يطلع
فا أشوف انو يحتاج محدد لشفايف معاه علشان يكون مرتب اكثر هاذا العيب تقريبا الي فيه
حبيت ثباته مرره رائع مايروح بسرعه كمان رائحته جميله مو قويه خفيفه تعتبر وكمان بدون نكهه
درجة لونه مات مرره حبيت درجة الاحمر لدرجة كان معاي من سيفورا روج احمر ورجعته لنو هذا جذبني كثير
اشوفه يناسب جميع الوكات في الصباح او المساء
الون من الالوان الفرايحيه احسه لصيف جداً جميل
سعره : 180ريال
اخذت كمان من نفس البراند كحل له راسين راس القلم ورأس ريشه لتمويه تحت العين او فوقه علي حسب الي حابه تستخدمين
الريشه له
نجي لسواده سواده متوسط ما اشوفه حالك
ما يناسب يستخدم لسهرات ابدا لانو مو غامق كثير حسيته يناسب السهرات الصغيره
يعني جمعات وكذا السهرات الكبيره ابدا ما ينفع
سعره : 137ريال
منتجات سيفورا :
تكلمت قبل عن منتجات سيفورا وأنهم يحاولون يحاكون منتجات الشركات الثانيه حلو انهم يحاولون
فيه من المنتجات الي عجبتني وفي الي ما عجبتني الي ما أعجبني منهم باليتات الشادو
كم نوع ما عجبني وأتوقع كانت ليمتد اديشن مادري لانو ماشفتها مره ثانيه عندهم
مايمنعن من وجود منتجات لسيفورا جميله
اخذت منهم وعجبني اليب قلوس ومزيل المناكير هال منتجين الي مرره حبيتهم
سيفورا ليب قلوس درجة لونه 08
من درجات الون البني مع الموف يناسب لسهرات اكثر شي
طبعا رائحته جداً قويه
واكثر شي حبيته في أرواج سيفورا الثبات مرره ثابت ولا تشيلين همه انه يختفي اخر السهره
يرطب
كميته كثيره مقارنه بالشركات الثانيه. وهالشيء في مصلحتنا
عيوبه مثل ما قلت رائحته وكمان اول ما حطيته حسيت كان فيه صمغ مرره مسكت شفايفي في البدايه الين
مانشف كمان لانو كميته كثير ينزل مع الريشه كثير فا لازم احذر في البدايه الين يترتب معاي
رائيي بشكل كامل القلوس رائع مات والي حببني فيه اكثر ثباته لان اهم شيء عندي بالمناسبات الثبات بغض النظر عن سعر
الروج الي مستخدمه
سعره :89. ريال
مزيل المناكير حبيييته 💜
مرره حلو سريع يزيل المناكير ولا ياخذ اي وقت وكمان ما فيه ريحة وهذا اهم شيء
لكن حسيته قوي علي الأظافر
جواته اسفنج وفتحه بالنص تدخلي الظفر وتحركي حركة دائريه ويزيل ألون بسرعه
لكن بعد ما استخدمه استخدم علي طول بعده زيت الوز او كريم للاظافر علشان ترطيب الظفر
حبيته وكمان فيه اكثر من نوع للمناكير بالقليتر ومناكير الأقدام والي انا اخذته للمناكير العاديه بدون قليتر
سعره : 49ريال
وبكذا انتهي البوست ان شاء الله يكون نال علي اعجابكم وافادكم
0 التعليقات