كتاب كن مدربا لذاتك لا جلادا لها للمدربه غادة غوث
13:50
السلام عليكم ورحمة الله وبركاته 💕
في البداية ومثل ماوعدتكم اول ما اخلص الكتاب راح اكتب رائيي فيه في المقابل اي كتاب قرائته وماعجبني ماراح اتكلم عنه ابدا
للمصداقية ❤️
عن الكاتبه بالمختصر :
الكتاب للمدربة غادة غوث
من مواليد مدينة أبها ونشأتها كانت في المدينة المنورة
حاصلة علي درجة الماجستير من جامعة الملك عبدالعزيز ، مدربة في التنمية الذاتية من عام2009 ومدربه لتدريب الشخصي
اول كتاب تصدره ، في المقابل لها عدة ورش عمل
للمعلومات اكثر بإمكانكم تدخلو علي حساب المدربه وتتعرفو عليها اكثر
Twitter :@ Ghadahghouth
رائيي بشكل عام في الكتاب :
لغته سهله وواضحه للجميع كفر الكتاب ممتاز والورق خامتها رائعه احب هالنوع من الخامه
الكتاب رائع لكل احد حاب يطور من ذاته كمان من الكتب الي تكون دائماً معاك تقرأية علي طول مو من الكتب الي قرائتها لمره وحدة تكفي لا راح تحتاجينه علي طول فيه ٢٠ تدريب كلها مفيده تثير نقاط مبهمة في العقل
في اكثر من تدريب اثار الحماسه عندي .
حبيت سرد الكاتبه لمرضها وربطها كل تدريب بأحداث مرت في حياتها
وكمان صفحة إنجازات المدربة واحلامها ألي تحب تحققها في المستقبل
الكتاب من اول نظره شفته انو راح اقرائة بسرعه ولا راح اخذ وقت في قرائته لكن كل تدريب يحتاج تطبيق وفتره زمنيه
في البداية قرائته قرائه سريعة وحددت التدريبات الي احتاج لها وبدائة في تطبيقها واحد واحد
ومن النقاط الي حبيتها استدلال الكاتبة بالآيات وأحاديث وقصص لتثبيت التدريب ودعم له
وبنسبه لي ارتبطت في التدريبات لو نسيت تدريب راح اتذكر القصة او الآية
الكتاب يستحق تقتنيه كل وحده حابه تطور من ذاتها او تتعلم كيف تخطط لأهدافها وتحققها
وكل وحدة حابه تنسي ماضي اثر في نفسها او حدث سبب في تعثر أهدافها وحابه تبداء من جديد وكمان لكل مبتدائه خلفيتها بسيطه في التخطيط وتحقيق الأهداف والوصول لها
من التدريبات الي عجبتني كثير وحمستني :
" سامح نفسك قبل أن يصبح الماضي سجنا لذاتك "
" ماذا أريد " فكرة الصندوق رائعه
" بعد كل تعلم هناك لحظة تأمل "
" صاحب القران "
" لا يوجد وقت مثالي للبدء "
تقييمي للكتاب
9 /10
الكتاب رائع جداً ومفيد ويستحق الاقتناء
اخذته من بوكتشينو بسعر 30 ريال
اتمني لكم يوم سعيد
0 التعليقات