Make up for ever Face &body liquid لتوحيد البشره وتأن
15:18
السلام عليكم ورحمه الله وبركاته
كيفكم مع الجو الحار والصيف في بدايته مادري كيف راح يكون رمضان ربي يخفف علينا
كالعادة راح تبداء الصيفية ويبدأ فيها تغيير الوك وتبدأ كمان المناسبات وزوجات ونبدأ نحتار بلوكنا وكيف نغيره
او علي الأقل نبدأ في برامج العنايه الكاملة بالجسم كمان آلتان نبدأ نسويه علي الصيفية اكثر من الشتاء
بنسبه لتان كتبت قبل في بوست عن بحثي وتجاربي في التان وان في منتجات عجبتني ومنتجات لا
وقبل كم شهر دخلت محل
make up for ever
جذبني فونديشن سائل يستخدم للوجة وفي نفس الوقت للجسم سئلت الموظفه عنه وقالت لي استخداماته وانو مشاهير عربيات يستخدمونه بدال التان ومن ضمنهم " مايا دياب " شرحت لي طريقه استخدامه اخذته بعد اقتناع لان ممكن يكون مجرد تسويق انو مايا دياب تستخدمه لتان كلنا شايفين درجة التان لمايا دياب حلو ومناسب لها كثير قررت اجربه
بعد ما بحثت عن معلومات عنه طبعا من المنتجات القديمة مو جديده كمان MAC عندهم منتج نفسه لكن ما جربته اول ما اجربه راح اسوي مقارنه بينهم
قبل كم اسبوع عرضت بداية تجربتي علي السناب استخدمته مرتين المره الأولي والثانية تجربه يوم كامل من الصباح الي اليل وراح احط في السناب رفيو عليه من ناحيه لونه وكمان كثافته
رائيي فيه :
طبعا بحكم كلام الموظفه انو water -resistant " مقاوم للماء "
ويجلس عليك يومين مايروح بسرعه ويروح بعد الشاور اذا استخدمته للجسم
في البدايه. قبل ما استخدم اي كريم لتوحيد لون البشره لو تان ضروري اسوي تقشير كامل وترطيب وكمان الشعر ضروري ينشال علشان تبان النتيجة افضل
بعد استخدامي له مرتين :
اكثر شيء حبيته فيه تصفيه لون البشره صفا لي بشرتي وإخفاء المسامات تغطيته مرره جميله عطاني تغطيه حلوه وفي نفس الوقت طبيعيه
الميزه كمان الي عجبتني بما انه للجسم والوجة اخذت درجة غامقه أغمق من بشرتي بدرجتين لان حابه أستفيد منه لتان اذا كنت حابه اسوي تان لمناسبة معينه وإمكان عندي الوقت الكافي لتان راح استخدمه كاتان سريع
وكل ما زدت الطبقه غمق لون التان
بنسبه لمده :
بما انه مقاوم للماء ماحسيت انه مقاوم وما ينزال بسرعه جلس علي تقريبا ٤ساعات مع الوقت اختفاء الون
استخدامه كافونديشن :
يستخدم للوك طبيعي جداً ما يناسب ابدا المناسبات تغطيته متوسطه بنسبه لي استخدمته كا فونديشن يومي مثل bb كريم
تقييمي له :
اعطيه 8/10 لتغطيه الجسم وتصفيته رائع
لكن كافونديشن راح اعطيه 7/10 للوك طبيعي
والسبب من تقليلي لنسبه التقييم لانو مافيه SPF الي هيا حمايه من أشعة الشمس يعني اذا استخدمته في الصباح ضروري احط واقي شمس قبله
والحلو فيه كمان انه يناسب جميع انواع البشره لانه سائل جدا
وبكذا انتهي البوست اتمني اضفت لكم معلومه جديدة
اتمني لكم ويك اند سعيد
0 التعليقات